Hewlêr (Rûdaw) - Li parêzgeha Dêrsimê ya Bakurê Kurdistanê ji ber berfa ku doh êvarî dest pê kir rêya 200 gundan hat girtin.
Birêvebiriya Herêma 13an a Keşnasiyê berê hişyarî dabû.
Berfê destpêkê li navçe û herêmên bilind bandor kir û bi şev jî li navenda bajêr bariya.
Îro berê sibehê barîna berfê zêde bû û bajar di bin kirasê spî de ma.
Ji ber barîna berfê li parêzgeha Dêrsimê rêya 200 gundan hat girtin.
Ji ber hewaya sar û qeşayê di çûn û hatinê de astengî çêbûn.
Tîmên şaredariyê û saziyên pêwendîdar ji bo vekirina rêyan û têkoşîna rewşên neyînî xebatên xwe didomînin.
Her wiha rayedaran hişyarî da şofêran ku li hemberî qeşa û cemedê baldar bin.
.jpg&w=3840&q=75)
