Hewlêr (Rûdaw) - Medyaya Îranê piştrast kir ku di encama êrişên asmanî yên Amerîka û Îsraîlê de çend endamên malbata Rêberê Komara Îslamî ya Îranê Elî Xamineyî hatine kuştin.
Ajansa Mehrê ya Îranê li gorî çavkaniyên agahdar ragihand, piştî lêkolînan nûçeya kuştina keç, zava, bûk û neviyekî Elî Xamineyî hatiye piştrastkirin.
Li gorî agahiyên çavkaniyên Îranî, ev her 4 di êrişa asmanî ya berê sibeha 28ê Sibata 2026an de hatiye kuştin.
Ev pêşhat di demekê de ne ku li herêmê şerekî dijwar heye.
Li 24 parêzgehan êriş
Amerîka û Îsraîlê êrişî 24 parêzgehên Îranê kir.
Li gorî amarên destpêkê yên Heyva Sor a Îranê, heta niha zêdetirî 200 kesan mirine û bi sedan kes jî birîndar bûne.
Trump: Xamineyî hat kuştin
Serokê Amerîkayê Donald Trump ragihand ku Elî Xamineyî hatiye kuştin.
Lê belê medyaya Îranê nûçeya kuştina Xamineyî red dike.