Hewlêr (Rûdaw) - Erebistana Siûdî bi fermî piştrast kir ku Îranê paytext Riyad û herêmên rojhilatê welêt kirine armanc.
Riyadê ragihand ku êriş "tirsonekî" ye û mafê wan ê bersivdana leşkerî heye.
Wezareta Karên Derve ya Erebistana Siûdî bi daxuyaniyeke fermî eşkere kir ku Îranê rasterast êrişî axa Siûdiyê kiriye.
Hat diyarkirin ku hedefa êrişan Riyad û Herêma Rojhilat bûye ku xwedî girîngiyeke stratejîk e.
"Êrişeke eşkere û tirsonekî"
Di Wezareta Karên Derve ya Erebistana Siûdî de kiryarên Îranê wekî "êrişeke eşkere û tirsonekî" hatin pênasekirin.
Wezaretê diyar kir ku ev êrişkeriya bêhincet gefê li aramiya herêmê dixwe û êriş bi tundî şermezar kir.
"Hemû vebijêrk li ser maseyê ne"
Rayedarên Riyadê piştî êrişê bal kişand ser mafê parastina rewa yê ku ji hiqûqa navneteweyî tê.
Di daxuyaniya wezaretê de wiha hat gotin:
"Li hemberî vê destdirêjiya neheq, Erebistana Siûdî dê ji bo parastina ewlehî, yekparçeyiya axê, welatî û hemû niştecihan her cure tedbîran wergire.
Di nav van tedbîran de vebijêrka bersivdana leşkerî ya li gorî êrişê jî heye."
Rayedarên Siûdiyê hîn derbarê zerer an qurbaniyan de agahiyên berfireh parve nekirine.