Hewlêr (Rûdaw) - Serokê Herêma Kurdistanê Nêçîrvan Barzanî û Wezîrê Karên Derve yê Îranê Esed Şeybanî rûdanên li herêmê gotûbêj kirin.
Wezîrê Karên Derve yê Sûriyeyê bi wezîrên karên derve yên welatên herêmê û Serokê Herêma Kurdistanê Nêçîrvan Barzanî re rêzepêwendiyên telefonî pêk anîn.
Esed Şeybanî bi wezîrên karên derve yên Erebistana Siûdî, Qeter, Tirkiye, Behreyn, Kuweyt û Urdinê re pêwendiyên telefonî danîn.
Rûdanên dawî hatin nirxandin
Li gorî daxuyaniya Wezareta Karên Derve ya Sûriyeyê, di wan pêwendiyan de aloziyên dawî yên di navbera Îran û Îsraîlê de hatin nirxandin.
Bandorên van aloziyan ên li ser aramî û ewlehiya herêmê bûn rojeva sereke ya wan hevdîtinan.
Her wiha rewşa wan welatên ku ji ber êrişên mûşekan zerer dîtine hat gotûbêjkirin.
Di wan pêwendiyên telefonî de Wezîrê Karên Derve yê Sûriyeyê bal kişand ser girîngiya hevahengiyê.
Wî tekezî li ser xurtkirina hevahengiya herêmî û navneteweyî ya ji bo kontrolkirina krîzê û parastina ewlehiya herêmê kir.
Şam binpêkirina serweriya welatên herêmê red dike
Li gorî Wezareta Karên Derve ya Sûriyeyê, Esed Şeybanî helwesta "neguher" a Sûriyeyê ya derbarê piştgiriya welatên Ereban de ducare kir.
Şeybanî ew "êrişên eşkere" yên li ser wan welatan hatine kirin şermezar kirin.
Wî da zanîn ku Şam her cure binpêkirina serwerî û ewlehiya welatên herêmê red dike.
Wezîrê Karên Derve yê Sûriyeyê bal kişand ser pêwîstiya zêdekirina hewlên dîplomatîk.
Wî diyar kir ku ev hewl ji bo parastina aramiya Rojhilata Navîn û dûrxistina gelên herêmê ji metirsiyên şer gelekî girîng in.