Hewlêr (Rûdaw) - Li nêzîkî bajarê Îsfehanê yê Îranê di qezayeke otobusê de 13 kes mirin û 11 kes jî birîndar bûn.
Li gorî televizyona fermî ya Îranê, Berdevkê Heyva Sor a Îranê Mucteba Xalidî derbarê qezayê agahî dane û gotiye:
"Di qezaya otobusê ya ku li ser rêya Îsfehan-Netenzê çêbû de 13 kesan canê xwe ji dest da û 11 kes jî birîndar bûn."
Mucteba Xalidî diyar kir ku tîmên tenduristiyê midaxeleya pêşî li cihê bûyerê kiriye û birîndar bi ambulansan rakirine nexweşxaneyên li derdorê.
