Hewlêr (Rûdaw) - Di maça Manchester City û Galatasarayê ya Lîga Şampiyonan a UEFAyê de 3 kesan Alaya Kurdistanê bilind kir û maç demekê hat rawestandin.
Şeva borî li Brîtanyayê di çarçoveya Lîga Şampiyonan a UEFAyê de tîma Manchester City û Galatasaray li Londonê hatin pêşberî hev.
Di destpêka nîveka duyem a maçê de 3 kes bi Alaya Kurdistanê ketin nav qada maçê û xwest balê bikişînin ser rewşa Rojavayê Kurdistanê
Ji ber vê çalakiyê lîstikvan û hakem demekê rawestiyan.
Hêzên ewlehiyê midaxele kir û çalakvan ji qadê derxistin.
Ji ber vê yekê maç nêzîkî 2 xulekan hat rawestandin.
Di wê navberê de dezgeha weşana zindî li gorî protokolên weşana zindî yên UEFAyê dîmenên çalakiyê neda ser ekranan û berê kamerayên xwe da derveyî qadê û trîbunan.
Piştî ku çalakvan ji qadê hatin derxistin, maçê ji cihê ku mabû berdewam kir.
Pêşbirk bi serkeftina tîma Manchester Cityê bi encama 2-0 bi dawî bû.
#VÎDEO - Di maça Manchester City û Galatasarayê de Alaya Kurdistanê hat bilindkirin
— RudawKurdi (@RudawKurdi) January 29, 2026
💢 Li Brîtanyayê 3 kesan ji bo piştevaniya Rojavayê Kurdistanê di maça Manchester City û Galatasarayê ya Lîga Şampiyonan a UEFAyê de Alaya Kurdistanê bilind kir
💢 Ji ber vê çalakiyê maç demekê… pic.twitter.com/kP79x8cUtH
Di maça Manchester City û Galatasarayê de Alaya Kurdistanê hat bilindkirin #Rojava https://t.co/qcEowMBpB0 pic.twitter.com/klJTgpRkvW
— RudawKurdi (@RudawKurdi) January 29, 2026