Hewlêr (Rûdaw) - Navenda Çanda Kurdan a Illinoisê beşdarî şahiya kevneşopî ya "Darên Noelê yên ji Çar Aliyên Cîhanê" bû ku ji aliyê Cook County Treasury Maria Pappasê ve tê lidarxistin.
Di çalakiya ku gelek netewe û civakên çandî beşdar bûn de, navendê cara ewil "Dara Noelê ya Kurdistanê" nîşan da û derfeta temsîlkirina mîrata Kurdan bi dest xist.
.jpeg "Dara Kurdistanê / Wêne: Hatîce Aktay")
Bi reng û sembolên Kurdî hat xemilandin
Dara ku bi motîfên çand, reng û sembolên Kurdan hatibû xemilandin, rastî eleqeyeke mezin a beşdaran hat.
Vê gavê tevkariyeke girîng li dîtbariya çandî ya navendê ya li Chicagoyê kir.
Nûnerên civaka Kurd diyar kir ku vexwendina wan a ji bo vê çalakiyê şerefeke mezin e û bal kişand ser giringiya kombûna bi gelên cuda re û parvekirina çanda xwe.
Hat zanîn ku welatî dikarin heta destpêka sala 2026an li avahiya Cook County Treasuryê serdana wê darê bikin.
.jpeg "Dara Kurdistanê / Wêne: Hatîce Aktay")
"Îsal ji bo me wateyeke taybet heye"
Navenda Çanda Kurdan ya Illinoisê li ser hesabê xwe yê medyaya civakî daxuyaniyek belav kir û got:
"Em kêfxweş in ku em ji bo Ahenga Noelê ya Cook County Treasuryê hatin vexwendin.
Îsal ji bo me xwedî wateyeke taybet e; çimkî me cara ewil derfet dît ku em dara xwe ya Noelê ya Kurdistanê nîşan bidin.
Temsîlkirina civaka me, parvekirina mîrata me û pîrozkirina vê heyama bi coş bi hev re şerefeke mezin bû."
.jpeg "Navenda Çanda Kurdan a Illinoisê / Wêne: Hatîce Aktay")
