Hewlêr (Rûdaw) - Serokê Ukraynayê Volodymyr Zelenskyy ragihand ku ew dê sibe biçe Tirkiyeyê.
Serokê Ukraynayê Volodymyr Zelenskyy derbarî armanca serdanê xwe daxuyaniyek da û got:
"Em amadekariyan dikin ku dan û standinan ji nû ve geş bikin.
Me çareseriyên nû amade kirine ku pêşkêşî hevkarên xwe bikin.
Armanca me ya sereke ew e ku em ji bo bidawîkirina şer hemû hewldanan bidin."
Zelenskyy amaje bi hewldanên xwe yên dîplomatîk jî kir û behsa civîna xwe ya li Spanyayê kir û got:
"Em hêvîdar in ku welatekî din ê bihêz jî piştgiriya xwe zêde bike û ji bo parastina jiyanan alîkariya me bike."
Wî herwiha tekez kir ku welatê wî divê her roj di peywendiyên xwe yên bi hevkarên xwe re de encamên berbiçav bi dest bixe.
