رووداو دیجیتاڵ
ریال مەدرید سەرکەوتنێکی زەحمەتی لە دەرەوەی یاریگای خۆی بەرامبەر ئێڵچی بە ئەنجامی 3-2 تۆمارکرد، شەوی سێشەممە لە چوارچێوەی یارییەکانی گەڕی شەشەمی خولی ئیسپانیادا.
ریال مەدرید لە خولەکی 25دا بە گۆڵێک پێشکەوت دوای ئەوەی شووتەکەی ئاردا گولەر بە ستوونی گۆڵ و بەرگریکاری ئێڵچی کەوت و چووە نێو تۆڕی گۆڵ.
لە خولەکی 33دا کیلیان ئێمباپێ گۆڵی دووەمی بۆ ریال مەدرید تۆمارکرد، بەڵام یاریزانانی یانە شاهانەکە چەندین دەرفەتی ئاسانیان لەبەرامبەر گۆڵ بە فێڕۆ دا.
لە نیوەی دووەمدا، ئێڵچی لە خولەکی 71دا ئەنجامەکەی لە رێگەی ئۆسۆریۆوە کەمکردەوە، دوای 12 خولەک فێرناندۆ نینۆ لە خولەکی 83دا گۆڵی یەکسانکردنەوەی ئەنجامەکەی تۆمارکرد.
لە خولەکی 90+1ی کاتی زیادکراودا، کارلۆس ئێسپی گۆڵی سەرکەوتنی بۆ ریال مەدرید تۆمارکرد و یارییەکەی لە بەرژەوەندی تیپەکەی کۆتایی پێهێنا.
بەم سەرکەوتنە، ریال مەدرید بە راهێنەرایەتی جوزێ مۆرینیۆی پۆرتوگالی ژمارەی خاڵەکانی بۆ 15 خاڵ بەرزکردەوە و لە پلەی دووەمی ریزبەندیدا جێگیر بوو، بە جیاوازی گۆڵ لە دوای بارسێلۆنای پێشەنگەوەیە.
ئێسپی یاریزانی جێگرەوە، جۆزێ مۆرینیۆی راهێنەری لە لەدەستدانی دوو خاڵی بەنرخ رزگار کرد، لە کاتێکدا ململانێیەکی بەهێز لە نێوان ریال مەدرید و بارسێلۆنادا بەردەوامە.
