رووداو دیجیتاڵ
راپۆرتە رۆژنامەڤانییەکان ئاشکرایان کردووە کە جۆزێ مۆرینیۆ، راهێنەری ریال مەدرید، بیر لە گۆڕانکارییەکی لەناکاو دەکاتەوە لە پێکهاتەی سەرەکی و دەیەوێت ڤینیسیۆس جۆنیۆری بەرازیلی لە یاریی داهاتووی ڤیاڕیال لە لیستی یەدەگدا بهێڵێتەوە.
ئەم بڕیارە لەکاتێکدا دێت کە ڤینیسیۆس دەستپێکێکی دژوار لەم وەرزەدا تێدەپەڕێنێت. کاریگەری هێرشبەرانەی بە بەراورد لەگەڵ وەرزەکانی پێشوو کەمی کردووە و ئیدی ئەو تیژییەی جارانی نەماوە لە تێپەڕاندنی رکابەر و دروستکردنی مەترسی و یەکلاکردنەوەی یارییەکان.
بەپێی راپۆرتە رۆژنامەڤانییەکان، بڕیارەکە پەیوەندی بە هیچ ناکۆکییەکی نێوان مۆرینیۆ و ڤینیسیۆسەوە نییە، بەڵکو بەشێکە لە پلانێکی کورتخایەن. ئامانج ئەوەیە دەرفەت بدرێت بە باڵە برازیلییەکە ئاستی خۆی بگەڕێنێتەوە پێش زنجیرەیەک یاریی بەهێز، لە پێشیانەوە ئێلکلاسیکۆ بەرامبەر بارسێلۆنا.
مۆرینیۆ هیوادارە ڤینیسیۆس باشترین ئاستی خۆی بگەڕێنێتەوە. بە پۆزەتیڤانە دەربارەی یاریزانەکە دواوە و متمانەی خۆی بە توانای ئەو دووپات کردەوە بۆ گەڕاندنەوەی کاریگەری و یەکلاکردنەوەی یارییەکان. ئاماژەی بەوەش کرد کە باڵە بەرازیلییەکە کار بەردەوام دەکات بۆ گەڕانەوە بۆ ئاستە ئاساییەکەی.
ریال مەدرید خۆی ئامادە دەکات بۆ خشتەیەکی قەرەباڵخ لە مانگی ئۆکتۆبەردا، کە لە 14ـی ئۆکتۆبەر بەرامبەر رۆما لە چامپیۆنزلیگدا یاری دەکات، پاشان لە 18ـی ئۆکتۆبەر رووبەڕووی سێڤییا دەبێتەوە لە لالیگا، و پێش یاریی لایپزیگ لە 21ـی ئۆکتۆبەر.
ئەم زنجیرەیە بە یاریی ئێلکلاسیکۆ بەرامبەر بارسێلۆنا لە 25ـی ئۆکتۆبەر کۆتایی دێت، ئەمەش وادەکات بەڕێوەبردنی خولەکەکانی ڤینیسیۆس لە ماوەی داهاتوودا ببێتە بەشێک لە پلانەکانی مۆڕینیۆ.
ئامانج لە حەسانەوەی یاریزانەکە لە بەرامبەر ڤیاڕیال، ئەگەر بڕیارەکە بدرێت، ئەوەیە دەرفەتی پێبدرێت ئامادەیی و ریتمی خۆی بگەڕێنێتەوە پێش گەڕانەوەی بۆ پێکهاتەکە، و یارییەکانی دواتر بەشێوەیەک بکات کە یارمەتی بدات متمانە و ئامادەبوونی هێرشبەرانەی بگەڕێتەوە.
هەڵبژاردەی بەرازیل، ئێوارەی شەممە، لە یارییەکی دۆستانەدا لەسەر یاریگای سۆلت لێیک لە شاری کۆلکاتا، بەئەنجامی 4-0 بەسەر هیندستاندا سەرکەوت. ئەمە دوایین یاریی سێلێساو بوو لە ماوەی راگرتنی نێودەوڵەتی ئێستا.
ڤینیسیۆس جۆنیۆر بە یاریزانی سەرەکی بەشداری یارییەکەی کرد، پاشان لە سەرەتای نیوەی دووەمدا گۆڕانکاری پێکرا، کاتێک راهێنەری ئیتاڵی کارلۆ ئەنچێلۆتی، ساموێل لینۆی خستە نێو یارییەکە.
بەرازیل پێشتر دوو یاریی دۆستانەی لەگەڵ ئوسترالیا ئەنجام دابوو، لە یەکەمیاندا یەکسان بوو بەئەنجامی 1-1 و لە دووەمیاندا سەرکەوت بەئەنجامی 4-2.
