رووداو دیجیتاڵ
فیفا رایگەیاند، هەڵبژاردەی فەرەنسا بەشی شێری بەرکەوتووە لە رووبەڕووبوونەوەی خراپ بەکارهێنانی سۆشیال میدیا لە کاتی مۆندیالی 2026، کە زیاتر لە 18 هەزارجار سووکایەتی و بێڕێزی پێکراوە، لە دوای ئەویش هەڵبژاردەی ئینگلتەرا دێت.
خزمەتگوزاریی پاراستنی یاریزانان زیاتر لە 17 ملیۆن پۆست و کۆمێنتی پەیوەست بە پاڵەوانێتییەکەی شیکردەوە و 240 هەزار پۆستی وەک سووکایەتیپێکردن پۆلێن کرد.
رەگەزپەرستی 20%ـی ئەو خراپ بەکارهێنانەی پێکهێناوە، لەکاتێکدا هەڕەشەی تووندوتیژی 14% و رق و کینە بۆ بێگانە 12%ـی پێکهێناوە.
ئامرازەکانی میانڕەوی پێش ئەوەی لەبەردەم خەڵکدا دەربکەون، 902 ملیۆن کۆمێنتی سووکایەتیپێکردنیان بلۆک کردووە، لەکۆی 6007 ملیۆن کۆمێنت، کە لە سەرانسەری ئەکاونتی فەرمی فیفا و کۆمەڵە بەشداربووەکاندا چاودێری کراون.
786 ئەکاونت رەوانەی دەسەڵاتی جێبەجێکردنی یاسا کراون بۆ پێداچوونەوە، لەنێویاندا 232 ئەکاونت هەڕەشەی جددییان لەسەر بووە، ئەمەش لەکاتێکدایە هۆشدارییەکان سەبارەت بە کاریگەرییەکانی خراپ بەکارهێنان لەسەر تەندروستی دەروونی یاریزانان و خێزانەکانیان.
مۆندیالی 2026 لە ئەمریکا، کەنەدا و مەکسیک بۆ جاری یەکەم بە بەشداری 48 هەڵبژاردە بەڕێوەچوو، و هەردوو هەڵبژاردەی ئەرجەنتین و ئیسپانیا گەیشتنە یاریی کۆتایی و ئیسپانیا 1-0 یارییەکە و جامەکەی بردەوە.
