Nêçîrvan Barzanî li ser vexwendina fermî ya Erdogan diçe Antalyayê

Hewlêr (Rûdaw) - Serokê Herêma Kurdistanê li ser vexwendina fermî ya Serokkomarê Tirkiyeyê Recep Tayyîp Erdogan diçe Antalyayê da ku beşdarî Lûtkeya Serkirdeyan a Konferansa Aliyên Peymana Neteweyên Yekbûyî ya li ser Guherîna Avhewayê (COP31) bibe.

Serokatiya Herêma Kurdistanê li ser mijarê daxuyaniyek belav kir.

Serokatiya Herêma Kurdistanê ragihand:

"Êvara îro Serokê Herêma Kurdistanê Nêçîrvan Barzanî li ser vexwendina fermî ya Serokkomarê Tirkiyeyê Recep Tayyip Erdogan diçe bajarê Antalyayê yê Tirkiyeyê."

Wekî ku di daxuyaniya Serokatiyê de hatiye diyarkirin, serdana Serokê Herêma Kurdistanê ji bo beşdarbûna Lûtkeya Serkirdeyan a Konferansa 31emîn a Aliyên Peymana Neteweyên Yekbûyî ya li ser Guherîna Avhewayê (COP31) ye.

Lûtkeya Serkirdeyan sibe li bajarê Antalyayê yê Tirkiyeyê dest pê dike û dê du rojan bidome.