Hewlêr (Rûdaw) - Çend kesayetên Kurd ên serbixwe yên ji aliyên cuda yên siyasî, di çarçoveya rûdanên krîtîk ên li Rojhilata Navîn û encamên pêvajoya nû ya li Tirkiyeyê de, ji bo damezrandina "Platforma Neteweyî ya Kurdan" deklarasyonek belav kir.
Di daxuyaniyê de hat ragihandin ku dê rojên 28-29ê Adarê li Amedê konferansek bê lidarxistin.
Ew grûpa ku li ser bingeha "Mafên Kurdan ên ji ber netewebûnê" li hev kom bûye, bal kişand ser wê yekê ku konjektûra herêmê ji bo Kurdan hem derfetên mezin û hem jî metirsiyên cidî dihewîne.
"Metirsiya bêstatûmayînê"
Di metna hat belavkirin de hat tekezkirin ku guhertinên bingehîn li Rojhilata Navîn çêdibin û wiha hat gotin:
"Kurd rûbirûyî wê metirsiyê ne ku wekî berê, ji ber neavêtina gavên rast, derfetên ku konjektûrê pêşkêş kirine ji dest bidin û bê statû bimînin.
Îro li Tirkiyeyê li gel rûdanên Rojhilata Navîn pêvajoyeke nû bi navên 'Projeya Biratiya Millî', 'Entegrasyona Pozîtîf' û 'Tirkiyeya Bêteror' bi rê ve diçe ku ne tenê Bakurê Kurdistanê, bandorê li Rojava û Başûrê Kurdistanê jî dike."
"Çekdanîna PKKyê û mafên Kurdan"
Di daxuyaniyê de hat diyarkirin ku çekdanîna PKKyê ji bo siyaseta sivîl girîng e lê rexne li nezelaliya mafên neteweyî hatin girtin:
"Çekdanîna PKKyê di dawiya vê pêvajoyê de, ji bo paqijkirina pirsgirêka Kurd û Kurdistanê ji tundiyê û bêhnstandina siyaseta sivîl li Bakurê Kurdistanê erênî ye.
Lê tevî ku aliyên pêvajoyê vê wekî 'Projeya Rizgariya Kurdan' nîşan didin, hîn jî ti nîşanên şênber nîne ku hebûn û statûya Kurdan wekî neteweyekê bê naskirin û rêz li maf û azadiyên wan ên neteweyî bê girtin.
Ev yek li cem piraniya Kurdan dibe sedema şik û dilgiraniyên cidî."
"Pêdivî bi saziyeke nûnertiyê heye"
Di bangewaziyê de hat xwestin ku cudabûn li aliyekî bên hiştin û bi berpirsyariya neteweyî tevger bê kirin.
Herwiha hat diyarkirin ku komkirina dînamîkên civakî yên Kurd di bin banekî hevbeş de ferz e û wiha hat gotin:
"Em bawer dikin ku divê beşên cuda yên miletê me bi 'nasnameyên xwe yên xweser' û 'pênaseyên xwe' yekîtiyekê pêk bînin û ji vê yekîtiyê 'Saziyeke Nûnertiyê' derkeve ku mafên neteweyî yên Kurdan bike rojev.
Pêdiviya me ji her demê zêdetir bi 'dengekî hevbeş' ê wiha, heye.
Bi taybetî di van rojên ku bêstatûbûn li Kurdên Rojavayê Kurdistanê tê ferzkirin, em nikarin dest û lingên xwe girêbidin, ev nayê qebûlkirin."
Prensîbên Platformê
Prensîbên xebatê wiha hatin rêzkirin:
"Avakirina zemîneke siyasal ku di xebatên xwe de zemîna meşrû û hiqûqî esas digire, ne zimanê pirsgirêkan lê yê çareseriyê bi kar tîne, xwe ji dijminatî û cudakariya navbera Kurdan dûr digire, ji kê tê bila bê, wekî prensîb piştgiriyê dide her gaveke li ser xêra Kurdan û nerazîbûnê nîşanî yên li dijî berjewendiya Kurdan dide."
Vexwendina ji bo konferansê
Di daxuyaniyê de hat ragihandin ku "Konferansa Damezirandina Platforma Neteweyî ya Kurdan" dê rojên 28-29ê Adara 2026an li Otêla Demir a Amedê bê lidarxistin û hemû derdorên Kurd hatin vexwendin.
Di dawiya deklarasyonê de jî wiha hat gotin:
"Ev bangewazî ne banga partiyekê û ne jî ya derdoreke teng e.
Ev erkeke dîrokî û berpirsyariyeke kolektîf a neteweyî ye ku ji wijdana hevbeş a hemû Kurdan ji bo avakirina paşeroja me derketiye."
Komîteya Bangawaziyê ya Platforma Neteweyî ya Kurd
- Abdullah Çelik: Edîtorê Kovara Maz'estê
- Abdulmecit Arslan: Endezyar û Karsaz
- Abdurrahman Ugurlu: Karsaz
- Abdurrahman Dag: Perwerdekar
- Ahmet Bilen: Perwerdekar û Çalakvan
- Ahmet Kaymak: Xanenişîn
- Ali Ertan Toprak: Serokê Civaka Kurd a Almanyayê
- Ahmet Ozguven: Çalakvan
- Parêzer Ezîz Badillî: Hiqûqnas
- Parêzer Haydar Çirkin: Hiqûqnas û Nivîskar
- Parêzer Fevzî Çelik: Hiqûqnas û Nivîskar
- Parêzer Mahmut Koyuncu: Hiqûqnas
- Parêzer Mehmet Guzeller: Hiqûqnas
- Parêzer Murat Aba: Hiqûqnas û Nûnerê TÎHVê
- Parêzer Ramazan Tuncer: Hiqûqnas
- Parêzer Sidki Zîlan: Hiqûqnas û Çalakvan
- Parêzer Tîmûr Demîr: Serokê Baroya Agiriyê yê Berê
- Aydin Ronî Dere: Siyasetmedar û Nivîskar
- Bedrettîn Karaboga: Serokê Desteya Bilind a Şêwirmendiyê ya GÜNSİADê
- Bekir Bekiroglu: Perwerdekar û Nivîskar
- Bîlal Bayazit: Esnaf
- Berzan Şerefxanoglu: Rojnamevan
- Cemîl Kemaloglu: Xanenişîn
- Cesîm Eren: Çalakvan û Karsaz
- Danyal Çerkeoglu: Xanenişîn
- Diyax Polat: Siyasetmedar û Nivîskar
- Dr. Cengîz Uysal
- Dr. Seyfettîn Neslînebî: Akademîsyen
- Edîp Gonuldaş: Çalakvan
- Ekrem Bulut: Civaknas û Nivîskar
- Ekrem Malbat: Nivîskar
- Emîn Arslan: Mîmar
- Engîn Yilmaz: Çalakvan
- Ergul Kiyak: Siyasetmedar
- Ercan Erdemlî: Karsaz
- Evîn Tetwan: Çalakvan û Muzîkjen
- Fahriye Adsay: Perwerdekar û Nivîskar
- Fevzî Alkan: Însiyatîfa Cûdiyê
- Feyzullah Demîrcî: Çalakvan
- Firat Şevkarî: Helbestvan, Nivîskar û Çalakvan
- Furkan Çelik: Çalakvan
- Gernas Kaya: Dîroknas û Zimannas
- Hakim Oguz: Şêwirmendê Darayî
- Hamdî Kaçan: Îlahiyatnas û Nivîskar
- Hasan Dogan Fanîzade: Karsaz
- Havva Rûken Kaya: Xwendekar
- Hayrettîn Gurbuz: Çalakvan
- Hifzullah Kutum: Akademîsyen
- Husamettîn Turan: Perwerdekar û Nivîskar
- Huseyîn Siyabend Aytemur: Weşanger û Nivîskar
- Huseyîn Turhalli: Hiqûqnas û Nivîskar
- Huşyar Ozsubaşi: Zimannas û Çalakvan
- Îbrahîm Sediyanî: Geryar û Nivîskar
- Îsmet Yuce: Nivîskar
- Kadir Satik: Nivîskar
- Kemal Tolan: Nivîskar û Lêkolînerê Êzdiyatiyê
- Keybanû Ertuşî: Zimannas û Nivîskar
- M. Elî Kaya: Çandiniyarnas û Rûspî
- M. Seîd Ozturk: DILKURD - Çalakvan
- M. Şakir Koçer: Nivîskar û Çalakvan
- M. Zekî Aras: Lêkolîner û Nivîskar
- Mehmet Tanriverdî: Rêveberê DİYAKURDê
- Maaruf Ataoglu: Nivîskar, Siyasetmedar û Karsaz
- Medenî Duran: Nivîskar
- Mehmet Çetînkaya: Mele (Îmam)
- Mehmet Poyraz: Weşanger
- Mela Omer Tetwanî: Muderis
- Mesut Tokay: Çalakvan
- Muhammed Gulsarî: Çalakvan û Nivîskar
- Muhsîn Sari: Mîmar
- Murat Kubat: Xwendekar
- Musa Ataman: Serokê Yekîtiya Kurd a SBRGyê
- Nîlufer Kaya: Çalakvan
- Nejat Zanyar: Nivîskar
- Nevzat Yeşîlbagdan: Esnaf û Çalakvan
- Nurcan Aktay: Çalakvana Mafên Mirovan
- Nurullah Îşler: Çalakvan
- Orhan Kaya (Zuaxpayic): Nivîskar
- Oruç Sural: Çalakvan
- Osman Karavîl: Siyasetmedar
- Ramazan Taşdemîr: Zimannas û Çalakvan
- Rukiye Duruş: Kevanî
- Serhad Rohat: Perwerdekar
- Serhat Adar: Çalakvan
- Sevgî Çelik: Civaknas û Perwerdekar
- Seyhan Gunay: Çalakvan
- Siraç Oguz: Siyasetmedar û Nivîskar
- Şahîdîn Şîmşek: Karsaz û Çalakvan
- Şemsettîn Arslan: Endezyar û Karsaz
- Şermîn Şeker: Çalakvan
- Şevîn Geçît: Şêwirmenda Darayî
- Şêx Ebdulheq Firat: Rûspî
- Şêx Baha Mutlu: Rûspiyê Norşînê
- Şêx Emrullah Kufrevî: Rûspî
- Şêx Zubeyr Sevgîlî: Rûspî
- Tayyar Oztunç: Karsaz
- Veysî Dogan: Karsaz
- Vasfî Ay: Esnaf
- Yusuf Ziya Doger: Perwerdekar û Nivîskar
- Yuksel Ozturk: Karsaz û Rûspî
