Hewlêr (Rûdaw) - Fermandariya Herêma 1ê ya Pêşmergeyên Herêma Kurdistanê ragihand ku îro baregehên Fîrqeya 7an di du demên cuda de bûne armanca mûşekan.
Li gorî daxuyaniyê îro demjimêr 01:50î bi 5 mûşekan êrişî baregeha fîrqeyê hatiye kirin.
Her wiha demjimêr 02:50î jî careke din êrişî nêzîkî baregeha fîrqeyê hatiye kirin.
Ev êrişa ku bi mûşekekê pêk hat, li nêzîkî gundê Kelekînê bû.
Lêkolîn didome
Fermandariya Herêma 1ê diyar got, "Em tekez dikin ku hêzên me di amadehiya temam de ne û lêkolîna li ser çavkaniya êrişan didome."
Şehîd û birîndar hene
Li gorî çavkaniyên Rûdawê, ji ber êrişa li ser Hêzên Pêşmergeyan 6 Pêşmerge şehîd ketine.
Her wiha 22 Pêşmergeyên din jî birîndar bûne û 2 Pêşmerge jî winda ne.
Zêdetirî 400 dron û mûşekan
Ji destpêka şerê Amerîka û Îsraîlê yê li dijî Îranê ve Herêma Kurdistanê bi zêdetirî 400 dron û mûşekan hatiye bombebarankirin.
Hinek ji van êrişan rasterast li ser hêzên Pêşmergeyan bûn.
8 kesan canê xwe ji dest da
Ji xeynî êrişa îro, ji ber êrişên berê li Herêma Kurdistanê 8 kesan canê xwe ji dest daye.
Yek ji wan karmendekî asayîşê yê Balafirgeha Navneteweyî ya Hewlêrê bû.
6 ji wan Pêşmergeyên Rojhilatê Kurdistanê bûn û yek jî leşkerekî Fransayê yê li Hewlêrê bû.
Êrişî Konsulxaneya Amerîkayê jî kirin
Doh bi şev, ji xeynî êrişa li ser wê deverê, çend dron ber bi Konsulxaneya Amerîkayê ya li Hewlêrê û balafirgehê ve hatin şandin.
Ew dron ji aliyê pergala parastina asmanî ve hatin têkbirin.
#BILEZ - Bi mûşekan êrişî baregeha Pêşmergeyan hat kirin
— RudawKurdi (@RudawKurdi) March 24, 2026
🛑 Çavkaniyên Rûdawê da zanîn ku di êrişa li ser Firqeya 7an de 6 Pêşmerge şehîd ketine û 22 Pêşmerge jî birîndar bûn e#Pêşmerge #Kurdistan pic.twitter.com/hUTS8hHAdG
