Hewlêr (Rûdaw) - Li parêzgeha Qersê ya Bakurê Kurdistanê, di navbera du koman de pevçûna bi kêran derket û di vê pevçûnê de 5 kes birîndar bûn.
Bûyerê li Taxa Ornekê ya li kêleka Baxçeyê Miletê rû da.
Li gorî agahiyan, di navbera du koman de ji ber sedemeke nediyar nîqaş derket.
Ew nîqaş di demeke kurt de veguherî şerê bi kêran.
5 kes birîndar bûn
Di şer de kesên bi navên A.A., Z.A., S.T., A.T. û Ş.T. birîndar bûn.
Li ser agahdarkirinê tîmên tenduristiyê û polîs çûn cihê bûyerê.
Tîmên tenduristiyê birîndar veguhastin Nexweşxaneya Dewletê ya Harakaniyê û Navenda Lêkolîn û Sepandina Tenduristiyê ya Zanîngeha Kafkasê.
Polîsan li herêmê tedbîrên ewlehiyê standin.
