Hewlêr (Rûdaw) - Li parêzgeha Konyayê ya Tirkiyeyê di dema kontroleke asayîşê de ji berîka kesekî marekî pîton ê biçûk derket.
Li gorî agahiyan, di dema kontroleke rutîn a hêzên ewlehiyê de di berîka kesekî de çêlîkekî maran ê pîton hatiye dîtin.
Li ser agahdarkirinê tîmên Midûriyeta Parastina Siruşt û Parkên Neteweyî (DKMP) çûne cihê bûyerê û wan dest daniye ser pîtonê biçûk.
Hat zanîn ku ceza li kesê ku mar hilgirtibû hatiye birîn.
Pîton ji bo kontrola tenduristiyê radestî Baxçeyê Ajalan ê Karatayê hat kirin.
Rayedaran daxuyaniyek da û bi bîr xist ku girtin, xwedîkirin û firotina ajalên kovî qedexe ye.
