Hewlêr (Rûdaw) - Spanyayê di fînala Kupaya Cîhanê ya FIFAyê ya 2026an Arjantîn 1-0 têk bir û bû şampiyon.
Maça fînalê li eyaleta New Jerseyê ya Amerîkayê hat kirin û Spanya û Arjantîn ji bo Kupaya herî mezin a cîhanê hatin pêşberî hev.
Maça li Stadyuma New York New Jerseyê ji aliyê hakemê Slovenyayî Slavko Vincic ve hat birêvebirin.
90 xulekên maça qerase ya ku hemû cîhanê bi kelecan dişopand bi wekheviya 0-0 bi dawî bû. Ji ber vê yekê du demên zêdekirî yên 15 xulekî hatin lîstin.
Gola Ferran Torres û şampiyonî
Spanyayê xuleka 106an bi gola Ferran Torres encam kir 1-0. Di xulekên mayî de ti gola din nehat kirin.
Bi vê encamê re Spanyayê di Kupaya Cîhanê ya FIFAyê ya 2026an de serkeftina xwe ragihand û bû şampiyon.
Spanya cara duyem bû şampiyon
Arjantînê derfeta ku du caran li pey hev bibe şampiyonê cîhanê ji dest da.
Spanyayê piştî serkeftina xwe ya sala 2010an, di dîroka xwe de cara duyem Kupaya Cîhanê bir mala xwe.
