Hewlêr (Rûdaw) - Li bajarê Himsê yê naverasta Sûriyeyê di êrişeke bi çekan de 5 kes hatin kuştin.
Televîzyona dewletê ya Sûriyeyê Îxbariyeyê li ser zimanê çavkaniyên ewlehiyê ragihand ku li gundê Um Hareteynê yê Himsê kesek bi çekê ketiye qehwexaneyekê û bi awayekî bêserûber gule reşandine.
Li gorî heman çavkaniyê, di bûyerê de 2 kes mirine.
Piştî êrişê hêzên ewlehiyê yên Sûriyeyê çûn cihê bûyerê û ji bo girtina êrişkar xebat hatin destpêkirin.
Li aliyê din, ANHAyê ragihand ku di encama êrişê de 5 kes hatine kuştin.
Hat diyarkirin ku kesên hatine kuştin Elî Hiwerî, Kemal Elwan, Ramî Bedran, ciwanekî bi navê Salih û muxtarê gundê Wadî El Mewlayê Ebû Xezal in.
Her wiha hat gotin ku rewşa hinek birîndaran giran e.
