Hewlêr (Rûdaw) - Li bajarê Maaret el-Numanê yê parêzgeha Îdlibê ya Sûriyeyê, êrişî hêzên ewlehiyê yên navxwe hat kirin.
Di êrişa bi çekan de 4 çekdarên hikûmeta Sûriyeyê hatin kuştin û yek jî birîndar bû.
"Komên nenas gule reşandin"
Li gorî nûçeya Ajansa Fermî ya Nûçeyan a Sûriyeyê (SANA), komên çekdar ên nenas li başûrê Îdlibê êrişî hêzên ewlehiyê kiriye.
Çavkaniyên fermî piştrast kir ku 4 çekdarên ewlehiyê li cihê bûyerê hatine kuştin.
Her wiha hat zanîn ku çekdarekî hêzên ewlehiya navxwe jî birîndar bûye.
Hêzên ewlehiyê ji bo girtina êrişkaran li herêmê operasyon da destpêkirin.
