Hewlêr (Rûdaw) - Asayîşa Şêx Meqsûd û Eşrefiyeyê êrişeke berfireh a hêzên hikûmeta demkî ve têk bir.
Navenda Ragihandinê ya Hêzên Ewlehiya Navxwe (Asayîş) a Helebê ragihand ku wan êrişeke berfireh a çekdarên hikûmeta demkî ya li taxên Şêx Meqsûd, Eşrefiye û Benî Zêdê tê biriye.
Li gorî daxuyaniyê, hêzên ewlehiyê di rûbirûbûnê de 4 wesayîtên ku çekên giran li ser bûn bi temamî têk birin.
Her wiha hat ragihandin ku gelek çekdarên êrişkar hatine kuştin û birîndarkirin.
Taxên Şêx Meqsûd, Eşrefiye û Benî Zêdê yên Helebê ev demek e di bin êrişên dijwar ên Artêşa Ereban a Sûriyeyê de ne.
Encûmena Tenduristiyê ya Şêx Meqsûd û Eşrefiyeyê ji Rûdawê re ragihand ku ji ber êrîş û topbaranan 8 kesan canê xwe ji dest da û 57 kes jî birîndar bûn.
Li gorî zanyariyan, di nava wan de jin û zarok jî hene.
#VÎDEO - Asayîşa Şêx Meqsûd û Eşrefiyeyê êrişeke berfireh a hêzên Şamê têk bir
— RudawKurdi (@RudawKurdi) January 8, 2026
🔴 Hêzên Ewlehiya Navxwe ya Helebê 4 wesayîtên ku çekên giran li ser bûn bi temamî têk birin pic.twitter.com/RA75tL0vf0
