Hewlêr (Rûdaw) - Li taxa Şêx Meqsûdê ya Helebê, dîmenekî nû belav bû ku hovîtiya şer û binpêkirina pîvanên exlaqî ji aliyê komên çekdar ve radixe ber çavan.
Hat diyarkirin ku komên çekdar cenazeyê endameke Hêzên Ewlekariya Hundirîn (Asayîş) ji qatên bilind ên avahiyekê avêtine xwarê.
Li ser torên medyaya civakî dîmenekî biêş ê ji taxa Şêx Meqsûdê ya Helebê belav bû.
Di dîmenan de tê dîtin ku komên çekdar Artêşa Ereban a Sûriyeyê bêrêziyê li cenazeyê endameke Hêzên Ewlekariya Hundirîn dikin.
Bi dirûşman avêt xwarê
Çekdaran cenazeyê endma Aasyişê ji qata sêyem a avahiyekê avêtine xwarê.
Di vîdeoyê de tê bihîstin ku çekdar dema vê kiryarê dikin dirûşma "Allahu Ekber" berz dikin.
"Bi saetan li ber xwe da"
Heta niha nasnameya wê endama Hêzên Ewlekariya nehatiye eşkerekirin.
Lê belê li gorî gotina çekdaran bi xwe, ew şervan sekvan bûye û beriya ku canê xwe ji dest bide bi saetan bi tena serê xwe li hemberî wan li ber xwe daye.
Ev dîmenên ku bi lez belav bûn, bûn sedema nerazîbûneke mezin û wekî "sûcê şer û binpêkirina pîvanên mirovî" hatin pênasekirin.
#VÎDEO - Hovitiya çekdaran
— RudawKurdi (@RudawKurdi) January 10, 2026
💢 Dîmenên ku hovîtiya çekdar radixin ber çavan belav bûn
💢 Çekdaran cenazeyê endameke Hêzên Ewlekariya Hundirîn (Asayîş) ji avahiyekê avêt xwarê
💢 Ji bilî avêtina cenaze, di dîmenan de xuya dibe ku çekdar bi awayekî hovane heqaret û bêrêziyê li… pic.twitter.com/B3nzPxhLcy
