Hewlêr (Rûdaw) - Li parêzgeha Siwêdayê ya li başûrê Sûriyeyê mûşekeke Îranê li avahiyekê ket û di encamê de 5 kesan canê xwe ji dest da.
Bûyer di wan demên ku alozî li herêmê zêde bûn de çêbû û hat ragihandin ku gelek kes jî birîndar bûne.
Li gorî nûçeya ajansa fermî ya Sûriyeyê SANAyê ku disipêre çavkaniyên leşkerî, mûşekeke ku ji aliyê Îranê ve hatiye avêtin li Siwêdayê ketiye.
Hat diyarkirin ku mûşek li navendeke sivîlan ketiye.
Li gorî zanyariyên destpêkê, di wê êrişa ku rasterast avahiyek kir armanc de 5 kesan canê xwe ji dest da û gelek sivîl jî birîndar bûn.
Mûşek li gelek cihan ketin
Çavkaniyên xwecihî û dîmenên ku li ser medyaya civakî hatine belavkirin nîşan didin ku mûşek tenê li Siwêdayê neketine.
Li gorî gotinên şahidan, parçeyên mûşekan li parêzgehên Quneytîre û Derayê yên li başûrê Sûriyeyê jî ketine.
