Hewlêr (Rûdaw) - Li navçeya Şûregelê ya parêzgeha Qersê ya Bakurê Kurdistanê, şeva borî agir bi mala melayekî ket ku li tenişt mizgeftê bû.
Şeva borî li gundê Geçîdê yê navçeya Şûregelê ji ber sedemeke nediyar agir bi mala melayê gund a li tenişta mizgeftê ket.
Gundiyan yekser midaxele kir û xwest ku agir vemirînin lê nekarin agir vemirînin û wan tîmên agir vemirandinê ji rewşê agahdar kir.
Tîmên agirvemirandinê gihiştin cihê bûyerê û piştî demekê agir vemirandin.
Di encamê de zerera madî çêbû.
Ji bo tesbîtkirina sedema agir dest bi lêkolînê hat kirin.