Hewlêr (Rûdaw) - Li parêzgeha Amedê ya Bakurê Kurdistanê piştî şiliya zêde ya zivistana îsal bendav tijî bûn.
Li Bakurê Kurdistanê îsal şilî zêde ye û berf û baraneke zêde bariya.
Ji ber şiliya zêde bendav tijî bûn û asta ava çem û golan bilind bûye.
Hejmarek kaniyên ku miçiqîbûn careke din herikîn.
Parêzgariya Amedê ragihand ku ji ber şiliya zêde bendav avê zêde werdigrin û asta avê bilind dibe.
Parêzgariya Amedê dibêje, eger heye ku li hinek bendavan ji ber tijîbûnê ava zêde berdin û hişyariyê dide welatiyan.
Parêzgarî bi taybetî ji nişteciyên li nêzîk çem û bendavan daxwaz dike ku hişyar bin û piştî berdana avê zerarê nebînin.
Hişyarî bi vî awayî ne:
- Niştecihên li gund û bajarên li dora qeraxên çeman divê guh bidin daxuyaniyên hatine dayîn û dê werin dayîn.
- Divê ji bo erdên çandiniyê, rez, baxçe, stargehên demkî û hwd. Yên li deverên ku di qeraxa çem de an jî nêzîkî wê derê ne tedbîr bên wergirtin.
-Madenên qûm û keviran (xînçirk) ên ku di qeraxa çem de hatine avakirin divê li gorî prensîb û prosedurên xebitandinê yên peywendîdar kar bikin.
-Divê di demên berdana avê de ji ketina nav çem dûr bisekinin û divê li hemberî zêdebûna ji nişkê ve ya asta avê hişyar bin û tedbîr bên wergirtin.