Hewlêr (Rûdaw) - Serokê Herêma Kurdistanê Nêçîrvan Barzanî ji bo koça dawî ya nivîskar û lêkolînerê Kurd Mehmed Emîn Bozarslan peyamek belav kir û got, “Şopa Bozarslan dê her tim zindî bimîne.”
Serokê Herêma Kurdistanê Nêçîrvan Barzanî ji bo wefata nivîskar, lêkolîner û welatparêzê Kurd Mehmed Emîn Bozarslan peyameke sersaxiyê belav kir.
Nêçîrvan Barzanî ji malbata wî û rewşenbîrên Kurd re sersaxî xwest.
Nêçîrvan Barzanî di peyama xwe de bal kişand ser keda Bozarslan a ji bo ziman û wêjeya Kurdî.
"Roleke mezin lîst"
Serokê Herêma Kurdistanê di peyama xwe de wiha got:
"Ji bo koça dawî ya nivîskar, lêkolîner û welatparêzê hêja Mehmed Emîn Bozarslan, sersaxiyê didim malbata wî ya birêz û hemû rewşenbîrên Kurdistanê.
Canê wî şa be. Seyda Bozarslan bi xizmet û berhemên xwe yên binirx, roleke mezin ji bo parastin û bi pêşxistina ziman û wêjeya Kurdî lîst."
"Şopa wî dê zindî bimîne"
Nêçîrvan Barzanî her wiha tekez kir ku xizmeta Bozarslan nayê jibîrkirin û got, "Şopa wî dê her tim di bîra me de zindî bimîne."
Nivîskar û lêkolînerê navdar Mehmed Emîn Bozarslan li Swêdê koça dawî kir.
Ji bo koça dawî ya nivîskar, lêkolîner û welatparêzê hêja Mehmet Emîn Bozarslan, sersaxiyê didim malbata wî ya birêz û hemû rewşenbîrên Kurdistanê. Canê wî şa be.
— Nechirvan Barzani (@IKRPresident) February 9, 2026
Seyda Bozarslan bi xizmet û berhemên xwe yên binirx, roleke mezin ji bo parastin û pêşxistina ziman û wêjeya kurdî…