Hewlêr (Rûdaw) - Li bajarê Meimulanê yê parêzgeha Loristanê ya Rojhilatê Kurdistanê di pevçûneke çekdarî de efserê polîs û çekdarek hatin kuştin.
Polîsê parêzgehê ragihand ku kesê çekdar li ser rêyên sereke rê li ber barhilgir û otomobîlên xelkê digirt.
Navenda Ragihandinê ya Polîsê Loristanê daxuyaniyek belav kir.
Li gorî daxuyaniyê, piştî ku agahî gihîştin hêzên ewlehiyê ku kesek bi çekê rê li ber welatiyan digire, ji bo girtina wî operasyonek hat destpêkirin.
Di daxuyaniya polîs de wiha hat gotin:
"Hêzên me dor li wî kesî girt û ji bo ku xwe teslîm bike bangî wî kir.
Lê wî ev daxwaz red kir û gule li polîsan reşandin.
Hêzên me jî bersiv da wî."
Polîsê Loristanê eşkere kir ku di encama pevçûnê de efserê polîs ê bi navê Mûsa Aqayî û kesê çekdar hatine kuştin.
Hêzên ewlehiyê yên Îranê ragihand ku wan dest daniye ser çekekê, du derax û hejmarek guleyan.
.jpg&w=3840&q=75)