Hewlêr (Rûdaw) - Li navçeya Westanê ya Wanê otomobîlek wergeriya û teqle da. Di vê qezayê de kesek mir û 3 kes jî birîndar bûn.
Li gorî agahiyan, qeza doh êvarê li ser rêya Wan-Westanê çêbûye.
Otomobîleke ku plaka û nasnameya ajokarê wê hîn diyar nebûne ji rê derketiye û wergeriyaye.
Li ser agahdarkirinê tîmên tenduristiyê, tîmên agirvemirandinê, polîs û cendirme çûne cihê bûyerê.
Di vê qezayê de Kazim ÎbÎlî miriye.
Hat zanîn ku Kazim li Nexweşxaneya Dewletê ya Westanê perestarê jûra emeliyatê bû.
Her 3 kesên birîndar jî veguhastine Nexweşxaneya Dewletê ya Westanê.