Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) Mezlûm Ebdî ragihand ku Serokkomarê Fransayê Emmanuel Macron bi rêya telefonê piştgiriya xwe ya ji bo hewlên agirbest û diyalogê aniye ziman.
Mezlûm Ebdî li ser hesabê xwe yê tora civakî Xê daxuyaniyek belav kir û ev agahî dan:
"Serokkomarê Fransayê Emmanuel Macron bi telefonê li me geriya.
Wî piştgiriya xwe ya ji bo hewlên me û aliyên ku ji bo agirbestê, vegera li ser rêya diyalog û danûstandinên li Sûriyeyê dixebitin anî ziman da ku bigihîjin çareseriyeke mayînde ya ku xizmeta berjewendiya giştî ya tevahiya herêmê bike.
Her wiha di axaftinê de behsa bicihanîna peymanên berê yên di navbera me û hikûmeta Sûriyeyê de û pêwîstiya parastina mafên pêkhateyan hat kirin."
