Hewlêr (Rûdaw) - Li navçeya Aşkelehê ya parêzgeha Erziromê ya Bakurê Kurdistanê qezayeke zincîrî çêbû.
Di qezayê de zêdetirî 10 wesayîtan li hev qelibîn û 27 kes birîndar bûn.
Ji ber berf û qeşayê li hev qelibîn
Li parêzgeha Erziromê ji ber berf û qeşayê pirsgirêkên trafîkê çêdibin.
Îro li ser rêya di navbera Erzirom û Aşkelehê de zêdetirî 10 wesayîtan li hev qelibîn.
Di nav wesayîtên ku li hev qelibîn de otobusa rêwiyan, barhilgir, minîbus, makîneya kar û otomobîl hebûn.
Rê hat girtin
Li gorî agahiyên, di encama qezayê de gelek kes birîndar bûn û rêya Erzirom-Aşkelehê hat girtin.
Li ser agahdarkirinê, tîmên tenduristiyê û hêzên ewlehiyê çûn cihê qezayê.
Tîmên tenduristiyê bi ambulansan 27 birîndar veguhastin nexweşxaneyên li Erziromê.