Hewlêr (Rûdaw) - Li parêzgeha Şirnexê ya Bakurê Kurdistanê mînîbusek qulibî û 9 kesên tê de birîndar bûn.
Li nêzîkî gundê Şêxreşê yê Şirnexê qezayeke trafîkê çêbû.
Mînîbusa rêwiyan a bi plakaya 72 ACE 644 a ku nasnameya ajokarê wê hîn nehatiye diyarkirin ji rê derket û wergeriya.
Di qezayê de ajokar û 8 rêwiyên di wesayîtê de birîndar bûn.
Li ser agahdarkirinê tîmên tenduristiyê, AFAD, tîmên agirvemirandinê û cendirme çûn cihê bûyerê.
Birîndar bi ambulansan rakirin nexweşxaneyên dewletê yên Şirnex û Cizîrê.
#WÊNE - Li Şirnexê mînîbusek wergeriya û 9 kesên tê de birîndar bûn
— RudawKurdi (@RudawKurdi) February 27, 2026
📸 Îtfaiyeya Şirnexê pic.twitter.com/f0x6ocoKIb