Hewlêr (Rûdaw) - 1emîn Dadgeha Cezaya Giran a Stenbolê derbarê Şaredarê Navçeya Esenyurtê Ahmet Ozer de biryara berdanê da.
Şaredarê Esenyurtê yê CHPê Ahmet Ozer 30ê Çiriya Pêşîn a 2024an di çarçoveya lêpirsîna “Lihevkirina Bajaran” de ya CHP û DEM Partiyê hatibû girtin.
Ozer di Tîrmeha 2025an de di lêpirsîna “Lihevkirina Bajaran” de hatbû berdan, lê vê carê ji ber “Rêxistina Tawanê ya Aziz Îhsan Aktaş” bi hinceta “gendelî” û “sextekariyê” hatibû girtin.
1emîn Dadgeha Cezaya Giran a Stenbolê îro biryara azadkirina Ahmet Ozer da.
Ahmet Ozer li Girtîgeha Marmarayê ya Stenbolê girtî ye û piştî biryara dadgehê tê çaverêkirin di demjimêrên pêş de were berdan.
Ozer bi şertên kontrola edlî hat berdan û dê yekemîn rûniştina doza wî di navbera 27ê Kanûna Paşîn û 20ê Sibata 2026an de bêkirin.
Di îdianemeyê de ji Ozer re ji 3 heta 9 salan cezaya girtgîheê tê xwestin.
