Hewlêr (Rûdaw) - Civîna Komîsyona Hevgirtina Neteweyî, Biratî û Demokrasiyê ya Parlamentoya Tirkiyeyê ya ku dê sibe bihata kirin, hat bipaşxistin.
Beriya çend rojan hatibû ragihandin ku Komîsyon dê 6ê Çiriya Paşîn bicive û hem derbarê serdana Abdullah Ocalan biryarê bide hem jî dê guh bide Wezîrê Karên Navxwe yê Tirkiyeyê Alî Yerlîkaya.
Serokê Parlamentoya Tirkiyeyê Numan Kurtulmuş doh di çarçoveya kar û xebatên Komîsyonê de bi serokwekîlên koman ên partiyên siyasî re civiya.
Serokatiya Parlamentoyê daxuyaniyek da û ragihand ku civîna Komîsyonê ya sibe hatiye bipaşxistin.
Hatibû ragihandin ku dê Wezîrê Karên Navxwe yê Tirkiyeyê Alî Yerlîkaya, Wezîrê Parastinê Yaşar Guler û Serokê MÎTê Îbrahîm Kalid beşdarî civîna Komîsyonê ya 17emîn bibin.
Li gorî daxuyaniya Wezareta Parastinê ya Tirkiyeyê, di balafira ku li ser sînorê Gurcistan û Azerbeycanê ketiye de 20 personel hebûn û tev mirine.
