Hewlêr (Rûdaw) - Li navçeya Esenyurtê ya parêzgeha Stenbolê, minîbusa ku karkerên jin tê de bûn wergeriya.
Di qezayê de 4 kesan canê xwe ji dest da û 7 kes jî birîndar bûn.
Bûyer îro demjimêrên êvarî li Taxa Yeşilkentê ya navçeya Esenyurtê qewimî.
Minîbusa ku karkerên ji kar derketibûn vediguhastin, ji ber şiliyê ji rê derket û wergeriya.
Di qezayê de 4 karkerên jin li cihê bûyerê mirin û 7 kes jî birîndar bûn.
Rewşa 3 birîndaran giran e
Li ser agahdarkirinê tîmên tenduristiyê, tîmên parastina sivîlan û polîs çûn cihê qezayê.
Tîmên tenduristiyê birîndar veguhastin nexweşxaneyên cuda.
Hat zanîn ku rewşa tenduristiyê ya 3 birîndaran giran e û metirsiya wan a canî heye.
