ماشەڵڵا دەکاک

ماشەڵڵا دەكاك، رەوانی كوردییەكەی و شارەزایی لە زماندا وایكردووە لە بەشداریكردنە راستەوخۆكاندا لە بوولتەنەكانی هەواڵدا جێگەی پەسەندی بینەران و بیسەران بێت. رۆشنبیرییەكی قوڵی هەیە و شارەزای مێژووی باكووری كوردستان و توركیایە. 
لەساڵی 2009 وەك پەیامنێری رۆژنامەی رووداو ، چاپی كوردستان و ئەوروپا، دەستی بە كاركردن كردووە. لەساڵی 2012-2013 خولی پەروەردەی كاری تەلەڤزیۆنی لە رووداو بینیوە لەسەر دەستی ئەوروپاییەكان. 
رووماڵی رووداوەكانی باكووری كوردستانی كردووە. رووماڵی هەڵبژاردنەكانی كردووە لە باكووری كوردستان و دیبەیتی تایبەتی لەوبارەوە بەڕێوەبردوون. رووماڵی هێرشی داعشی كرد بۆ سەر كۆبانێ (ئەیلوولی 2014-كانوونی دووەمی 2017) لەسەر سنوور. 
ماشەڵڵا دەكاك، بەرنامەیەكی هەفتانەی لە رادیۆی رووداو هەیە بەناوی ( ب دەما ئامەدێ) كە تێیدا سیاسەتڤان و رۆشنبیران لەسەر رۆژەڤی هەفتە میوانداری دەكات. 

ماشەڵڵا دەكاك چەند جارێك وەك رۆژنامەڤانی سەركەوتووی ساڵ لە باكووری كوردستان هەڵبژێردراوە و تائێستا 5 جار لەلایەن كۆمەڵەی رۆژنامەڤانانی رۆژهەڵات و باشووری توركیا خەڵاتكراوە.
ماشەڵڵا دەكاك لە 16ی ئۆكتۆبەری 1981 لە گوندی كیكانی سەر بە شاری سێرتی باكووری كوردستان لەدایكبووە. خوێندنی سەرەتایی و ئامادەیی لە شاری مێرسینی باكووری كوردستان تەواوكردووە. بەشی ئابووری لە زانكۆی ئانادۆلوی ئەسكیشەهیر تەواوكردووە. لە ساڵی 2018 لە زانكۆی ئارتوغلو بڕوانامەی بەكالۆریۆسی لە زمانی كوردی وەرگرتووە.
ساڵی 1998 دەستی بە كاری رۆژنامەڤانی كردووە. لە رۆژنامەی ئازادیا وەلات، رادیۆی دەنگی رووسیا و ئاژانسی پەیامنێر و DÎHAو AKNews وەك پەیامنێر كاری كردووە.
لە ساڵی 2010 كتێبكی بە زمانی كوردی بە ناوی ( 3Ç û 3K Nûçe û Nûçevanî) لەسەر كاری رۆژنامەڤانی بڵاوكراوەتەوە. 
خێزاندارە و باوكی دوو كوڕە بەناوەكانی میتان و مەهاباد.