لە نیسانی 2017ەوە لە رووداو كار دەكات. خولی راهێنانی پرۆدیوسەری بینیوەو، راهێنانی بێژەری هەواڵی لە رووداو پێكراوە.
لە رووداو سەرەتا وەك پرۆدیوسەری ئاوتپووت دەستی بە كاركرد، دواتر كرایە بێژەر و یەكەم دەركەوتنی لە رووداو لە بوولتەنی رۆژئاڤا بوو. نالین بایەخ بە كاری خۆی دەدات و لە ماوەیەكی كەمدا لە رووداو پێشكەوت.
نالین حەسەن لە ساڵی 1990 لە شاری حەسەكەی رۆژئاوای كوردستان لەدایكبووە. ژیانی هاوژینی پێكهێناوە. بەكالۆریۆسی لە ئەندازیاری كشتوكاڵ لە زانكۆی فورات وەرگرتووە. جگە لە زمانی كوردی ، زمانی عەرەبیش دەزانێ.
لە ساڵی 2014 لە رۆژئاوای كوردستانەوە هاتووە بۆ باشووری كوردستان، لەوكاتەوە دەستیكردووە بە كاری رۆژنامەڤانی، وەك پرۆدیۆسەر و پێشكێشكار لە چەند رادیۆ و تەلەڤزیۆنێك كاری كردووە.
ئارەزووی خوێندنەوەی كتێبە.
