کلینیکاست؛ مەرج نییە هەر چوکلێتێکت وەرگرت، بیخۆی!

ئەو پسپۆڕە ئاماژە بەوە دەکات، ئەگەر ژەمی بەیانیانی جەژن قورس بێت، تەندروست نییە و پێویستە هەر خۆراکە بەیانییانییەکان بخورێن (ماست، پەنیر، سەموون و چا).

بەگوتەی د. جەعفەر بارزانی، زۆرینەی ئەوانەی لەدوای مانگی رەمەزاندا دێنە فریاکەوتنەکان بەهۆی زۆرخۆرییەوە دێن و تووشی کێشەکانی هەرس بوونەتەوە.

لەبارەی چوکلێتەوە ئەوە باس دەکات، لە هەموو ماڵێکدا چوکلێت دابەش دەکرێت، ئەمە بۆ ئەو کەسانە باشە کە جووڵەیان هەیە، بەڵام ئەوانەی کە جووڵەیان نییە خراپە چوکلێت بخۆن و باشترە چوکلێت هەڵبگرن، بەڵام نەیخۆن.