رووداو دیجیتاڵ
نرخی نەوت ئەمرۆ دووشەممە زیاتر لە 1% بەرزبووەوە بەهۆی ئەوەی ئەوەی دۆناڵد ترەمپ، سەرۆکی ئەمریکا، پێسنیازێکی ئێرانی رەتکردەوە بۆ کۆتایی پێهێنان بە جەنگ و دووبارە کردنەوەی تەنگەی هورمز.
نرخی نەوتی برێنتی دەریای باکوور ئەمڕۆ دووشەممە لە دوای کردنەوەی بازاڕەکانی ئاسیا 2.6 دۆلار بەرزبوونەوە بۆ 107 دۆلار. نرخی نەوتی خاوی تەکساسی ئەمریکاش بەرزبووەوە و گەیشتە 94 دۆلار بۆ هەر بەرمیلێک.
ئێران هەفتەی رابردوو لە کۆمەڵەی گشتی نەتەوە یەکگرتووەکان لە نیویۆرک پێشنیازێکی راگەیاند و ئاشکرای کرد لە رێگەی نێوەندگیرانی قەتەرییەوە رادەستی ئەمریکییەکان کراوە. بەڵام دۆناڵد ترەمپ رۆژی شەممە بە دیار کوردە، بەرپرسی ئۆفیسی واشنتنی رووداوی راگەیاند کە پێشنیازەکەی رەتکردووەتەوە. لەگەڵ ئەوەشدا رۆژی یەکشەممە بە ماڵپەڕی Axios ـی راگەیاند کە چاوەڕوان دەکات نوێنەرانی ئەمریکا ئەم هەفتەیە بەشداری لە دانوستاندنی زیاتر بکەن.
شرۆڤەکارانی سەر بە بانکی ANZ لەو بارەیەوە رایانگەیاند، "مەترسییە جیۆپۆلیتیکییەکان بە بەرزی ماونەتەوە بەهۆی ئەوەی حوسییەکان و ئێران بەردەوامن لە هێرشەکانیان بۆ سەر سعودیە، ئەمەش وایکردووە رێڕەوی دابینکردنی نەوت لەسەر ئاستی جیهاندا لەژێر مەترسیدا بمێنێتەوە."
سعودیە رۆژی شەممە رایگەیاند کە رێگری لە دوو مووشەکی بالیستی و دوو فڕۆکەی بێفڕۆکەوان کردووە کە لەلایەن حوسییەکانی نزیک لە ئێرانەوە بەرەو ئەو وڵاتە ئاراستە کرابوون.
