کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کێڵگەیەکی نەوت لە عێراق

کێڵگەیەکی نەوت لە عێراق

ئابووری

نرخی بەرمیلێک نەوتی برێنت دابەزی بۆ نزیکەی 92 دۆلار

رووداو دیجیتاڵ

رووداو دیجیتاڵ

18-11-2026
گوێبگرە
0:00
0:00
قەبارەی دەق
رووداو دیجیتاڵ
رووداو دیجیتاڵ18-11-2026

بابەتی پەیوەندیدار

ئۆنسەیەکی زێڕ لە نزیک 3720 دۆلار مامەڵەی پێوەدەکرێت
ئابووری19-11-2026

ئۆنسەیەکی زێڕ لە نزیک 3720 دۆلار مامەڵەی پێوەدەکرێت

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد
ئابووری19-11-2026

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد

نرخی نەوتی برێنت لە نزیک 92 دۆلار مامەڵەی پێوەدەکرێت
ئابووری19-11-2026

نرخی نەوتی برێنت لە نزیک 92 دۆلار مامەڵەی پێوەدەکرێت

رووداو دیجیتاڵ

ئەمڕۆ چوارشەممە نرخی نەوت رووی لە دابەزین کرد، ئەمەش بەهۆی بڵاوبوونەوەی ئامارەکان لەبارەی زیادبوونی کۆگاکانی نەوتی خاو و سووتەمەنی لە ویلایەتە یەکگرتووەکانی ئەمریکا لە هەفتەی رابردوودا. هەرچەندە بەردەوامیی هێرشە دوولایەنەکانی نێوان واشنتن و تاران و ئاستەنگەکانی بەردەم کەشتیوانی لە تەنگەی هورمز، رێگرییان لە دابەزینی گەورەتری نرخەکان کرد.

نرخی نەوتی خاوی تەکساسی ئەمریکا 56 سەنت یان بە رێژەی 0.65% دابەزی و هەر بەرمیلێکی بە 85.45 دۆلار مامەڵەی پێوەکرا. نرخی نەوتی برێنتی دەریای باکوور 16 سەنت، یان بە رێژەی 0.17% دابەزی بۆ 92.98 دۆلار بۆ هەر بەرمیلێک. ئەمەش دوای ئەوە هات کە رۆژی سێشەممە هەردوو پێوەرە سەرەکییەکە بەهۆی چڕبوونەوەی ململانێ سەربازییەکان بە بەرزبوونەوە داخرابوون.

سەرچاوەکانی بازاڕ بە پشتبەستن بە داتاکانی پەیمانگەی نەوتی ئەمریکی (API) رایانگەیاند، لە هەفتەی رابردوودا کۆگاکانی نەوتی خاوی ئەمریکا بە بڕی 5.28 ملیۆن بەرمیل زیادیان کردووە، هاوکات کۆگاکانی بەنزین بە بڕی 5.12 ملیۆن بەرمیل و کۆگاکانی بەرهەمە پاڵێوراوەکانیش بە بڕی 351 هەزار بەرمیل هەڵکشاون.

سەرەڕای ئەوەش، بەردەوامیی ئاڵۆزییە سەربازییەکان رێگریی لە پاشەکشەی زیاتری نرخەکان کردووە. هێزەکانی بەرگریی بەحرێن، کە میوانداریی هێزی دەریایی ئەمریکا دەکات، رۆژی چوارشەممە رایانگەیاند، چەند هێرشێکی درۆنیی ئێرانیان بۆ سەر وڵاتەکەیان تێکشکاندووە. ئەمەش دوای رۆژێک هات لەوەی درۆنەکانی ئێران سیستمی راداری ئەمریکایان لە بەحرێن کردە ئامانج، لە وەڵامدا فڕۆکەکانی ئەمریکا پێگەیەکی هەڵدانی مووشەکیان لە دوورگەی قیشمی ئێران بۆردوومان کرد.

هاوکات رۆژی دووشەممە لەکاتی تێپەڕبوون بە تەنگەی هورمزدا لە نزیک کەناراوەکانی عومان، کەشتییەکی گواستنەوەی گازی شل (LPG) بە مووشەک پێکرا و دەستەی سەرنشینانی ناچار بوون کەشتییەکە چۆڵ بکەن. شارەزایانانی گرووپی بۆرسەی لەندەن (LSEG) لە یاداشتێکدا رایانگەیاند، "هەرچەندە هەناردەی نەوت لە رێگەی جێگرەوەوە بەردەوامە لە بەرزبوونەوە، بەڵام نوێترین داتاکانی کەشتیوانی ئەوە دەسەلمێنن کە ئاساییبوونەوەی هاتووچۆ بە تەنگەی هورمزدا لەژێر بارودۆخی ئێستا هێشتا مەحاڵە."

لە لایەکی دیکەشەوە، حوسییەکانی یەمەن رایانگەیاند رۆژی سێشەممە بە پێنج درۆن هێرشیان کردووەتە سەر دوو وێستگەی پەمپکردنی نەوت لەسەر بۆریی ستراتیژیی (ڕۆژهەڵات - ڕۆژئاوا) لە سعودیە کە ئەو بۆرییەیە ریاز لە کاتی شەڕدا بۆ دوورکەوتنەوە لە تەنگەی هورمز و هەناردەکردنی نەوت لە رێگەی بەندەری یەنبوعەوە بەکاری دەهێنێت.

 

بابەتی پەیوەندیدار

ئۆنسەیەکی زێڕ لە نزیک 3720 دۆلار مامەڵەی پێوەدەکرێت
ئابووری19-11-2026

ئۆنسەیەکی زێڕ لە نزیک 3720 دۆلار مامەڵەی پێوەدەکرێت

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد
ئابووری19-11-2026

ئەنسرۆپیک گەورەترین دەستپێکی لە مێژووی بازاڕی پشکەکاندا تۆمارکرد

نرخی نەوتی برێنت لە نزیک 92 دۆلار مامەڵەی پێوەدەکرێت
ئابووری19-11-2026

نرخی نەوتی برێنت لە نزیک 92 دۆلار مامەڵەی پێوەدەکرێت

پێشنیازەکان

ئەمەنەش ببینە