رووداو دیجیتاڵ
سێ تۆمەتباری گەندەڵی و فێڵکردن و کوشتن، لەلایەن پۆلیسی نێودەوڵەتی "ئینتەرپۆل" رادەستی عێراق کرانەوە، یەکێکیان زیاتر لە یەک ملیار دینارى لە وەزارەتى بارزگانى بردووە.
چوارشەممە 16ی ئەیلوولی 2026، وەزارەتی ناوخۆی عێراق رایگەیاند، ئەو سێ داواکراوە پێکەوە لە رێگەی فڕۆکەخانەی نێودەوڵەتیی بەغدا رادەستی لایەنی پەیوەندیدار کرانەوە.
وەزارەتی ناوخۆی عێراق رایگەیاندووە، ئەو سێ داواکراوە، تۆمەتبارن بە دۆسیەی جیاوازی گەندەڵی، کوشتن و فێڵکردن.
لە راگەیێنراوێکی دیکەدا، دەستەی دەستپاکی عێراق وردەکاریی یەکێک لەو داواکراوانەی بڵاوکردەوە کە رادەستی عێراق کراوەتەوە.
ئەو دەستەیە رایگەیاندووە، ئەو تۆمەتبارە بە گەندەڵی لە ئیمارات بووە و بە چوار بڕیاری دادگە داواکرابووە، هەروەها زیاتر لە یەک ملیۆن و 31 ملیۆن دیناری لە فەرمانگەی تۆماری کۆمپانیاکانی سەر بە وەزارەتی بازرگانی بردووە.
وەزارەتەکە هیچ زانیارییەکی لە بارەی ئەو وڵاتە یان ئەو وڵاتانەی دوو تۆمەتبارەکەی دیکەیان رادەستکردووەتەوە، بڵاونەکردووەتەوە.
