پەیامێک لە تەیف سامییەوە

لە پەیامێکدا کە ئەمڕۆ 4ی نیسانی 2026 بڵاویکردەوە، تەیف سامی، وەزیری دارایی عێراق رایگەیاند، "جوانترین پیرۆزبایی ئاراستەی رۆڵەکانی گەلەکەمان لە پێکهاتەی کریستیان دەکەین بەبۆنەی هاتنەوەی جەژنی قیامەی پیرۆز، داواکارین لە خودای گەورە ئەم جەژنە بۆ ئەوان و هەموو عێراقییەکان ببێتە مایەی خێر و بەرەکەت."

وەزیری دارایی عێراق لە پەیامەکەیدا ئاماژەی بەوەش کردووە، هیواخوازە ئەم جەژنە ببێتە بۆنەیەک بۆ "بەهێزکردنی بەهاکانی خۆشەویستی، برایەتی و لێبووردەیی لەنێوان رۆڵەکانی یەک نیشتمان دا."

تەیف سامی دەشڵێت، "داوا لە خودا دەکەین عێراقی خۆشەویستمان کە خاکی پەیامەکان، شارستانییەتەکان و فرە ئایینی و کولتوورییە، هەمیشە لە ئاسایش و سەقامگیریدایە بێت و رووحی پێکەوەژیانی ئاشتییانە وەک ناونیشانێک هەموومان کۆبکاتەوە."

لە کۆتایی پەیامەکەیدا، وەزیری دارایی عێراق دووبارە پیرۆزبایی لە کریستیانەکان کردەوە و هیوای ئاشتی و خێری بۆ عێراق خواست.