رووداو دیجیتاڵ
قوباد تاڵەبانی جێگری سەرۆكوەزیرانی هەرێمی كوردستان بە سەردانێكی فەرمی دەچێتە كۆماری ئەرمینیا. گوتەبێژەکەشی دەڵێت ئامانجی سەردانەکە کەڵک وەرگرتنە لە ئەزموموونی ئەو وڵاتە لە کەرتە جیاوازەکاند.
سەمیر هەورامی، گوتەبێژی جێگری سەرۆكوەزیرانی هەرێمی كوردستان بە تۆڕی میدیایی رووداوی رایگەیاند: "بەمەبەستی كەڵك وەرگرتن لە ئەزموونی ئەرمینیا لە كەرتە جۆربەجۆرەكانی ئای تی و خوێندنی پیشەیی و پەرەپێدانی توانای گەنجان، قوباد تاڵەبانی، جێگری سەرۆكوەزیرانی هەرێمی كوردستان سەردانی ئەو وڵاتە دەکات".
سەمیر هەورامی گوتی: "لەم سەردانە سێ رۆژییەدا کە ئەمڕۆ 14-5-2021 دەستپێدەكات، جێگری سەرۆک وەزیران زنجیرەیەک کۆبوونەوە لەگەڵ گەورە لێپرسراوانی ئەرمینیا دەکات، لەهەمانکاتدا سەردانی چەند سەنتەرێکی ئەکادیمی و پیشەیی دەکات".
لە سەردانەكەدا وەزیری پلاندانان د.دارا رەشید و سەرۆكی دیوانی ئەنجوومەنی وەزیران ئومێد سەباح بەشدار دەبن.
