رووداو دیجیتاڵ
نێچیرڤان بارزانی، سەرۆکی هەرێمی کوردستان، رۆژی پێنجشەممە سەردانی سلێمانی دەکات، ئەوەش بە مەبەستی بەشداریکردن لە لووتکەیەکی باڵای ئابووری.
رۆژی سێشەممە، 15ـی ئەیلوولی 2026، د. نووری عوسمان، سەرۆکی نووسینگەی سەرۆکی هەرێمی کوردستان بە تۆڕی میدیایی رووداوی راگەیاند: "نێچیرڤان بارزانی، سەرۆکی هەرێمی کوردستان رۆژی پێنجشەممە، 17ـی ئەیلوول دەچێتە سلێمانی و بەشداری لە لووتکەیەکی باڵای ئابووری دەکات".
بە گوتەی د. نووری عوسمان، سەرۆکی هەرێمی کوردستان گوتارێک لە لووتکەکەدا پێشکێش دەکات.
لووتکەی ئابووریی سلێمانی لە رۆژانی 17 و 18ـی ئەیلوول بەڕێوەدەچێت و سەرنجێکی سەرەکی بریتییە لە تاوتوێکردنی دۆخی ئابووری، سەرمایەگوزاری و کەرتی وەبەرهێنان.
