رووداو دیجیتاڵ
رووفاتی 25 قوربانیی کوردی ئێزدی رادەستی کەسوکارەکانیان کرانەوە و یاریدەدرێکی پارێزگای نەینەوا دەڵێ، رووفاتەکان بەرەو شنگال بەڕێکراون و ئەمڕۆ بە خاک دەسپێردرێن.
رەفعەت سمۆ، یاریدەدەری پارێزگاری نەینەوا، ئەمڕۆ پێنجشەممە، 1ـی تشرینی یەکەمی 2026، بە تۆڕی میدیایی رووداوی راگەیاند، "ئەمڕۆ رووفاتی 25 قوربانیی کوردی ئێزدی لە دادپزیشکیی موسڵ رادەستی کەسوکاریان کرانەوە و بەرەو شنگال بەڕێکران، هەر روو فاتێک لە نێو ئۆتۆمبێڵێکی فریاکەوتنی تەندروستیی دایە".
تابووتی رووفاتەکان بە ئاڵای عێراق پێچراون و وێنەی قوربانییەکانیان لەسەرە. یاریدەدەری پارێزگاری نەینەوا گوتی: "لە شنگال رێوڕەسمێکیان بۆ رێکدەخرێت، دواتر لە زێدی خۆیان بە خاک دەسپێردرێن".
ئەمە نۆیەمین وەجبەی رووفاتەکانن کە رادەستی کەسوکارەکانیان دەکرێنەوە، ئەوانەی لەلایەن چەکدارانی داعش لە 2014ـدا لە قەزای شنگال لە پارێزگای نەینەوا کۆمەڵکوژ کراون.
ناوی رووفاتەکان دەست تۆڕی میدیایی رووداو گەیشتوە، کە بریتین لە:
1. حەجی موراد بەسی
2. حاوی خەلەف قاسم
3. دەخيل عومەر سەيدۆ
4. عامر خزر مەتۆ
5. غەزالە عەباس قاسم
6. وەيسه بەشار جەزاع
7. حەنيفە خەلەف شەڕۆ
8. ميان ئۆسمان رەفۆ
9. نووری شەرەف ئیبراهيم
10. مسری حمێدان موراد
11. شیرین قاسم خودێدا
12. نيسان خەلەف عەلی
13. عدنان هادی حوسێن عەزيز
14. حەجی خودێدا خەلەف
15. بەرجیس خەلەف موڕاد
16. سەجەر خەشمان رەشۆ
17. عەلا بەرەكات ئیلیاس
18. مەروان ئیسماعيل سيدۆ
19. عەباس ئیلياس قاسم
20. رافع هادر حوسێن
21. جۆكۆ مورراد بەشار
22. خزر مشكۆ ناسر
23. حواس حيسۆ كەتۆ
24. سیروان بەرجس سلێمان
25. حوسێن بەرجس سلێمان
