رووداو دیجیتاڵ
حیزبی دیموکراتی کوردستانی ئێران لە راگەیێندراوێکدا رایگەیاند، لە دۆڵی ئاکۆیان لە سنووری پارێزگای هەولێر بە دوو درۆن بۆردوومان کراون. بەرپرسێکی حیزبەکە دەڵێ، زیانی گیانیان نەبووە.
لە راگەیێندراوەکەدا هاتووە: "کاژێر 12:30ی ئەمڕۆ هەینی، سوپای پاسدارانی کۆماری ئیسلامی، بە دوو درۆن هێرشی کردە سەر هێزەکانی پێشمەرگەی حیزبی دیموکرات لە دۆڵی ئاکۆیان".
فەرماندەیەکی باڵای پێشمەرگەکانی حیزبی دیموکرات بە (تۆڕی میدیایی رووداو)ی گوت: "هێرشەکە لە بەرزاییەکانی دۆڵەکەی داوە و هیچ زیانێکی بۆ هێزەکانمان نەبووە".
بە گوێرەی بەدواداچوونی رووداو، لە دەستپێکی جەنگی ئەمریکا و ئیسرائیلەوە بەرامبەر ئێران، تاوەکو ئەمڕۆ هەرێمی کوردستان بە زیاتر لە 280 درۆن و مووشەک بۆردوومان کراوە، کە بەشێکی هێرشەکان دژی حیزبەکانی رۆژهەڵاتی کوردستان یان کەمپی کەسوکاریان بووە لە هەرێمی کوردستان.
.jpg&w=3840&q=75)