رووداو دیجیتاڵ
لە ئەنجامی بۆردوومانێک بۆسەر شاری روانسەری پارێزگای کرماشانی رۆژهەڵاتی کوردستان، منداڵێکی تەمەن 15 ساڵ کوژرا.
رۆژی یەکشەممە، 15ی ئاداری 2026، هاونیشتمانییەک لە کرماشان بە (رووداو)ی راگەیاند: "رۆژی 2ی ئادار ژمارەیەک ئامانج لەنێو شاری روانسەر هێرشیان کرایە سەر و لە ئەنجامدا منداڵێکی تەمەن 15 ساڵ بە سەختی بریندار بوو."
هاونیشتمانییەکە گوتی:" ئەو منداڵە لە نزیک شوێنێکی بەئامانجگیراو بوو و هەربۆیە بە سەختی بریندار بوو، و دوای گواستنەوە بۆ نەخۆشخانە و 13 رۆژ مانەوە لە نەخۆشخانە گیانی لە دەستدا."
بەگوتەی ئەو هاونیشتمانییە، ئەو منداڵەی گیانی لە دەستداوە ناوی کیان مورادیە و تەمەنی 15 ساڵە.
لە بەرەبەیانیی رۆژی شەممە 28ـی شوباتەوە هێرشێکی بەرفراوان و هاوبەشی ئیسرائیل و ئەمریکا بۆ سەر ئێران دەستیپێکردووە و یەکێک لەو شوێنانەی بە چڕی بۆردوومان کراوە کرماشانە.
بەگوێرەی دوایین ئاماری تەندروستی ئێران، تاوەکو ئێستا کوژرانی 2729 کەس لە رۆژهەڵاتی کوردستان و ئێران پشتڕاستکراوەتەوە و 15 هەزار کەسی دیکەش بریندار بوون.
.jpg&w=3840&q=75)
