رووداو دیجیتاڵ
سەرۆک بارزانی بەبۆنەی جەژنی قیامە، پەیامێکی پیرۆزبایی ئاراستەی کریستیانەکانی کوردستان، عێراق و جیهان دەکات و هیوا دەخوازێت ئەم بۆنەیە ببێتە هۆی قووڵتربوونی فەرهەنگی پێکەوەژیان لە ناوچەکەدا.
رۆژی شەممە، 4ـی نیسانی 2026، سەرۆک مەسعود بارزانی پەیامێکی بەبۆنەی جەژنی قیامە بڵاوکردەوە و تێیدا هاتووە: "بەبۆنەی ھاتنەوەی جەژنی قیامەی حەزرەتی مەسیح (سڵاوی خوای لێ بێت)، گەرمترین پیرۆزبایی خۆم ئاراستەی خوشک و برایانی کریستیان لە کوردستان و عێراق و ھەموو جیھان دەکەم."
سەرۆک بارزانی ئاماژە بەوە دەکات: "ھیوادارم ئەو بۆنەیە ببێتە ھۆی قووڵتربوونی فەرھەنگی پێکەوەژیان و برایەتی و، خوشک و برا کریستیانەکان و سەرجەم پێکھاتە ئایینی و نەتەوەییەکانی تر لە عێراق و ناوچەکە لە ئاشتی و سەقامگیریدا بژیین."
لە کۆتایی پەیامەکەیدا بۆ کریستیانەکان، سەرۆک بارزانی هیوای خێر و خۆشییان بۆ دەخوازێت و دەڵێت: "جەژنتان پیرۆز بێ و بمێنن لە خێر و خۆشیدا."
دەقی پەیامی سەرۆک بارزانی بەبۆنەی جەژنی قیامە.
بەناوی خودای بەخشندە و میھرەبان
بەبۆنەی ھاتنەوەی جەژنی قیامەی حەزرەتی مەسیح (سڵاوی خوای لێ بێت)، گەرمترین پیرۆزبایی خۆم ئاراستەی خوشک و برایانی کریستیان لە کوردستان و عێراق و ھەموو جیھان دەکەم.
ھیوادارم ئەو بۆنەیە ببێتە ھۆی قووڵتربوونی فەرھەنگی پێکەوەژیان و برایەتی و، خوشک و برا کریستیانەکان و سەرجەم پێکھاتە ئایینی و نەتەوەییەکانی تر لە عێراق و ناوچەکە لە ئاشتی و سەقامگیریدا بژیین.
جەژنتان پیرۆز بێ و بمێنن لە خێر و خۆشیدا
.jpg&w=3840&q=75)
