رووداو دیجیتاڵ
چالاکڤانێکی سیاسیی ئێرانی دەڵێ، محەممەدباقر خەڕازی دەستبەسەر کراوە.
رۆژی سێشەممە، 18ی ئابی 2026، رەحمەتوڵڵا بیگدلی، رۆژنامەڤان و چالاکڤانی سیاسی لە تۆڕی کۆمەڵایەتیی ئێکس رایگەیاند:" شەش رۆژە محەممەدباقر خەڕازی دەستبەسەرە."
بە گوتەی رەحمەتوڵڵا بیگدلی، بە بڕیاری دادگای تایبەتی رۆحانییەکان لە شاری قوم، محەممەدباقر خەڕازی دەستبەسەر کراوە.
رەحمەتوڵڵا بیگدلی ئاماژەی بەوەشکرد، محەممەدباقر خەڕازی بە تۆمەتی هەوڵدان دژی ئاسایشی نیشتمانی دەستبەسەر کراوە.
بە گوێرەی میدیاکانی ئێران، محەممەدباقر خەرازی بەم دواییە داوای رێپێوانێکی لە تاران کردبوو و رایگەیاندبوو، حکومەتی پزیشکیان شکست پێ دەهێنن.
پێشتر دەسەڵاتی دادی ئێران رایگەیاندبوو، بڕیاری لێپرسینەوە بۆ ئەو کەسە دەرچووە.
محەممەدباقر خەڕازی سکرتێری حیزبوڵڵای ئێرانە، پێشتر چەند جارێک قسەکانی لە میدیاکانی ئێران بڵاوکرانەوە کە رەخنەی لە حکومەت دەگرت.
