رووداو دیجیتاڵ
ئاژانسی دەنگوباسی قەتەر رایگەیاند، ئەندامانی دوو تۆڕیان دەستگیرکردووە، کە گوایە کاریان بۆ سوپای پاسدارانی ئێران کردووە.
بەگوێرەی ئاژانسەکە، ئەندامانی ئەو دوو تۆڕە 10 کەس بوون، حەوتیان کاریان سیخوڕی بووە بۆ کۆکردنەوەی زانیاری لەبارەی دامەزراوە گرنگ و سەربازییەکان و سێیەکەی دیکەش بۆ کاری تێکدەرانە راسپێردرابوون و مەشقیان لەسەر بەکارهێنانی درۆن کردووە.
ئاژانسەکە رایگەیاندووە، ناونیشان و پۆتانی دامەزراوەکان و ئامێری پەیوەندییەکانیان پێ بووە و لە کاتی لێکۆڵینەوەدا دانیان بەوەدا ناوە، کە سەر بە سوپای پاسداران بوون و ئەو هێزە رایسپاردوون بۆ ئەوەی کاری سیخوڕی و تێکدەرانەیان بۆ بکەن.
راگەیاندنی دەستگیرکردنی ئەو دوو تۆڕە هاوکاتە لەگەڵ گرژییەکانی نێوان دەوحە و تاران و لە چەند رۆژی رابردوودا چەند جارێک قەتەر لەلایەن کۆماری ئیسلامیی ئێرانەوە بۆردوومان کرا.
.jpg&w=3840&q=75)
