رووداو دیجیتاڵ
سوپای ئیسرائیل رایگەیاند، سیستمی بەرگریی ئاسمانییان بەرپەرچی چەندین مووشەکی ئاراستەکراوی ئێرانی داوەتەوە؛ تیمی فریاگوزارییەکانی ئەو وڵاتەش برینداربوونی کەسێکیان لە ئەنجامی هێرشەکاندا پشتڕاستکردەوە.
بەرەبەیانی رۆژی شەممە، 4ـی نیسانی 2026، سوپای ئیسرائیل لە پەیامێکدا لە تێلێگرام بڵاویکردەوە: "سیستمە بەرگرییەکانمان بۆ تێکشاندنی هەڕەشەکان لە کاردان."
هاوکات رێکخراوی (ماگن دەیڤید ئەدۆم) بۆ فریاگوزاری رایگەیاند، پیاوێکی تەمەن 45 ساڵ لە شاری بەنی بەڕاک لە نێوەڕاستی ئیسرائیل، بەهۆی پارچە شووشەوە بە سووکی بریندار بووە و گەیێندراوەتە نەخۆشخانە.
دوای هێرشەکە، سوپای ئیسرائیل رێگەی بە هاووڵاتییانی سڤیلدا دا لە پەناگەکان بێنە دەرەوە، بەڵام ئاماژەی بەوە کرد کە تیمەکانی گەڕان و فریاگوزاری رەوانەی چەند شوێنێکی نێوەڕاستی ئیسرائیل کراون کە مووشەکیان لێ کەوتووەتە خوارەوە.
.jpg&w=3840&q=75)
