رووداو دیجیتاڵ
هەڵبژاردەی ئیسپانیا بەدوای دووەم بردنەوەدا دەگەڕێت کاتێک لەنێو یاریگا و هاندەرانیدا بەرامبەر کرواتیا یاریی دەکات.
پاڵەوانی جیهان کاژێر 21:45 لە یاریگای رامۆن سانچێز پیزخوان میوانداریی کرواتیا دەکات و هەردوو هەڵبژاردە رکابەری لەسەر بەدەستهێنانی سێ خاڵی دیکە دەکەن.
لارۆخا لە یاریی رابردوودا لە دەرەوەی یاریگای خۆی سەرکەوتنی بەرامبەر هەڵبژاردەی ئینگلتەرا بەدەستهێنا و ئەمە یەکەم یارییە لە یاریگای خۆی ئەنجامیدەدات.
کرواتیا یاریی رابردووی بەرامبەر چیک بردووەتەوە و لەژێر سەرپەرشتی سلاڤان بێلیچ چاوی لە بەدەستهێنانی سێ خاڵی دیکەیە، بەڵام ئەرکی ئاسان نییە.
ئێریک گارسیا و پێدرۆ پۆرۆ لە ریزەکانی ئیسپانیا بەهۆی پێکانەوە ئامادەنین، بەڵام لامین یامال و ئەستێرەکانی دیکەی پاڵەوانی جیهان بۆ ئەو رکابەرییە ئامادەن.
لوکا مۆدریچ، لە یارییکردن بۆ کرواتیا بەردەوامە و چاوەڕواندەکرێت بەشێوەی سەرەکی بەشداری لە یارییەکەدا بکات.
ئەمە جاری سێیەمە هەردوو هەڵبژاردە لە نەیشنسلیگدا رووبەڕووی یەکدەبنەوە، هەردوو یارییەکەی رابردوویان لە قۆناخی کۆمەڵەکان بووە و هەریەکەیان یارییەکەیان بردووەتەوە.
